Biz wáde etkenimizdey, 2025 jılı 2-mart kúni "Human House Gallery" menen birgelikte ótkerilgen "Júweri Gúrtik Kúni" atlı ilajdan túsken qarjılardıń bir bólegi qayırqomlıq ushın qaratıldı. Ámelge asırılǵan jumıslardıń esabatın názerińizge usınamız.

Mútáj shańaraqlar, sonıń ishinde, mayıplıǵı bolǵan shańaraqlar ushın azıq-awqat toplamların satıp aldıq.

Saparbay aǵa, Nókis rayonı.

Ol soqır bolıp qalǵan, janında onıń aqlıqları, balalardıń anası qaytıs bolǵan, ákesi túrmede

Ahmed, jol-transport hádiysesinde eki ayaǵınan ayrılǵan, balaları bar. Hayalı jaqında tuwǵan.

Imkaniyatı bolsa, elektron arbasha(kolyaska) menen járdem beriwdi soraydı, ápiwayı arbada bir qolı islemey turǵanlıqtan qıynaladı.

Bul toplam balalı hayalǵa, kúyewi qaytıs bolǵan, zatlardi mektep oqıwshısı bolǵan balasına berip kettik, ol(hayal) jumısta eken.

Bul Gúlxan apa, zatlardı bergende kóp jıladı, jaqında onkologiyadan qızı qaytıs boldı, aqlıqları qaldı.

Qatira apa, mehriban hayal, jesir, eki balası bar, ol da jılap jiberdi, jaqında tazalawshı(uborshica) bolıp jumısqa ornalastı, oǵan jumıs ornına alıp barıp berdik.

Ira apa, jalǵız ózi jasaydı, pensiyası az, ol da dári-dármaqqa hám komunal xızmetlerge ketedi.

Azıq awqat ónimlerine qattı quwanıp qaldı